ஹைகூத் தோட்டம் – 28

தினமும் மிதித்து
நடந்த கல்
வணங்கும் சிலையானது .

ஹைகூத் தோட்டம் – 27

அகராதியிலும் அகப்படாது
புரிந்து கொள்ள வேண்டும்
மெளனம்.

ஹைகூத் தோட்டம் – 26

தகிக்கும் வெயில்
விடை பெறும் நிழல்
வெட்டி வீழ்த்திய மரம்…

ஹைகூத் தோட்டம் – 25

அன்பாய் அழைக்கிறார் அப்பா
கேட்கிறது
மிரட்டும் பழையகுரல்.

ஹைகூத் தோட்டம் – 24

என் கனவிலும்
அணிந்திருக்கிறேன்
ஒரே கிழிந்த சட்டையை

ஹைகூத் தோட்டம் – 23

பாடும் குருவி
கொத்திக் கிளறுகிறது
சிநேகிதி ஞாபகத்தை…

ஹைகூத் தோட்டம்- 22

நீல வானை
உற்றுப் பார்க்கிறேன்
நீலம் கேட்கும் வெள்ளைத்துணி…

ஹைகூத் தோட்டம் – 21

விரும்பிய நிறத்தில்
அணியவும் வழியில்லை
கட்சி முத்திரைகள்.

ஹைகூத் தோட்டம் – 20

திருமணத்திற்குப் பாதி
சாவிற்குப் பாதி
விற்றுத் தீர்ந்தது பூ.

ஹைகூத் தோட்டம்- 19

கனக்கும் வேலைப் பொழுது
தேடி வந்த ஆறுதல்
ஜன்னல் வண்ணத்துப் பூச்சி.