கண்ணாடிக் கத்திகள்

சும்மா போகும்

திருடர்களின் கால்களை

சவால் விட்டு

அழைக்கின்றன

 

அறைகளில்

பாதுக்காக்கப் படுகின்ற

பொக்கிஷங்களைப் பற்றி

தண்டோரா அறிவிக்கின்றன  

 

கட்டிடப் பொருட்களோடு

சரிவிகிதமாய் 

அச்சமும் கலந்து

வீடு எழும்பியதையும்

 

பறந்தொய்ந்து சிறுபறவையும்

இளைப்பாற 

இடம் தர விரும்பாத

குரூரர்களின்

இருப்பிடமென்பதையும்

உறுதி செய்கின்றன ..

 

.படம்

 

கூரிய கத்திகளாய்

உடைந்த சீசாக்களைப்

பதித்து வைத்திருக்கும்

சுற்றுச் சுவர்கள்.

 

 

Advertisements

ஹைக்கூத் தோட்டம்- 58

பெரும் மழைநாள்
தனிமையில் குளிக்கிறது
மலை அருவி.

ஹைக்கூத் தோட்டம்- 57

andar420

அமைதியாய் இருந்தாலும்

மதம் பிடித்த யானை

நெற்றியில் நாமம்.

ஹைகூத் தோட்டம் – 56

2408335704_774f56cd53

மரக்கிளையில் காத்திருக்கின்றன

சின்னஞ்சிறு குஞ்சுகள்

கூண்டுக்குள் தாய் .

ஹைகூத் தோட்டம் – 55

3035259896_f9c3699064_b

இன்னும் தொடரும் வாழ்வு

ஆழப் பாய்ந்த கத்தி

அவள் பிரிவு….

ஹைகூத் தோட்டம் – 54

jewellery_pic

உள்ளே வெளியே விளையாட்டு

சலிக்காமல் விளையாடுகிறது

என் வீட்டு நகைகள்…

ஹைகூத் தோட்டம் – 53

parrots20dec06007-778961

பறக்கும் கிளிக் கூட்டம்

இடம் மாறும் கிளிகள்

திருத்தி வரைதலா

  • எனது கவிதை நூல்கள்


    கவிதை அல்ல காதல்
    வெளியீடு: விஜயா பதிப்பகம்
    நானும் நீயும் நாமான போது
    வெளியீடு: விஜயா பதிப்பகம் மழையின் சுவடுகள்
    வெளியீடு: விஜயா பதிப்பகம்