ஹைகூத் தோட்டம் – 50

கரைக்குத் தள்ளுகிறது அலைகள்

நகர மறுக்கிறது

நடுக்குளத்தில் நிலா.

ஹைகூத் தோட்டம் – 49

திசை தெரியா பயணம்

இறகின்றி பறக்கின்றன

இலையுதிர்கால சருகுகள்…

ஹைக்கூத் தோட்டம் – 48

சீக்கிரம் தேர்ந்தெடு

இருப்பதில் சிறந்ததை

எல்லாம் போலிகள்

ஹைகூத் தோட்டம் – 47

சிறைப் பிடித்த மின்மினி

தப்பிப் பறக்கிறது

மீண்டும் இருள்..

ஹைகூத் தோட்டம் – 46

பொரி அள்ளிப் போட்டேன்

பசியில் குளத்துமீன்கள்

தயாராய் தூண்டில்.

ஹைகூத் தோட்டம் – 45

துப்பாக்கி சுமந்து

வேட்டைக்கு கிளம்புகின்றன

விலங்குகள்…

ஹைகூத் தோட்டம் – 44

வரைந்தவன் பெயரில்லை

அழகழகான ஓவியங்கள்

வானிலும் மண்ணிலும் …

ஹைகூத் தோட்டம் – 43

பசியில் கதறும் குஞ்சுகள்

உணவோடு தவிக்கும் தாய்பறவை

விரட்டும் தீபாவளி வெடிச்சப்தம்.

ஹைகூத் தோட்டம் – 42

மொட்டைமாடிச் சிறுமி

லயித்த விளையாட்டு

உருமாறும் மேகம்…

ஹைகூத் தோட்டம் – 41

ஆற்றுநீரை உரசிப்

பறக்கும் கொக்கு

ரசிக்கிறதா தன்னழகை.