சிதறி விழுந்த மலர்கள்
நசுக்கி விரையும் வாகனங்கள்
விபத்தில் இறந்தவனின் இறுதிஊர்வலம்.
அமைதியாய் இருந்தாலும்
மதம் பிடித்த யானை
நெற்றியில் நாமம்.
மரக்கிளையில் காத்திருக்கின்றன
சின்னஞ்சிறு குஞ்சுகள்
கூண்டுக்குள் தாய் .
இன்னும் தொடரும் வாழ்வு
ஆழப் பாய்ந்த கத்தி
அவள் பிரிவு….
உள்ளே வெளியே விளையாட்டு
சலிக்காமல் விளையாடுகிறது
என் வீட்டு நகைகள்…
பறக்கும் கிளிக் கூட்டம்
இடம் மாறும் கிளிகள்
திருத்தி வரைதலா
லஞ்சம் கொடுத்தேன்
கிடைத்தது பதவி
மனைவி
ஆடுகள் கூடி தேர்ந்தெடுக்கின்றன
நல்ல பலி பீடத்தை
தேர்தல் நாள்
கரைக்குத் தள்ளுகிறது அலைகள்
நகர மறுக்கிறது
நடுக்குளத்தில் நிலா.