ஹைக்கூத் தோட்டம் 60

சிதறி விழுந்த மலர்கள்
நசுக்கி விரையும் வாகனங்கள்
விபத்தில் இறந்தவனின் இறுதிஊர்வலம்.

ஹைக்கூத் தோட்டம் – 59

அகால அலைபேசி அழைப்பு
அதிர்ந்து மீளும் மனசு
இறந்த நண்பனின் எண்.

ஹைக்கூத் தோட்டம்- 57

அமைதியாய் இருந்தாலும்

மதம் பிடித்த யானை

நெற்றியில் நாமம்.

ஹைகூத் தோட்டம் – 56

மரக்கிளையில் காத்திருக்கின்றன

சின்னஞ்சிறு குஞ்சுகள்

கூண்டுக்குள் தாய் .

ஹைகூத் தோட்டம் – 55

இன்னும் தொடரும் வாழ்வு

ஆழப் பாய்ந்த கத்தி

அவள் பிரிவு….

ஹைகூத் தோட்டம் – 54

உள்ளே வெளியே விளையாட்டு

சலிக்காமல் விளையாடுகிறது

என் வீட்டு நகைகள்…

ஹைகூத் தோட்டம் – 53

பறக்கும் கிளிக் கூட்டம்

இடம் மாறும் கிளிகள்

திருத்தி வரைதலா

ஹைகூத் தோட்டம் – 52

லஞ்சம் கொடுத்தேன்
கிடைத்தது பதவி
மனைவி

ஹைகூத் தோட்டம் – 51

ஆடுகள் கூடி தேர்ந்தெடுக்கின்றன

நல்ல பலி பீடத்தை

தேர்தல் நாள்

ஹைகூத் தோட்டம் – 50

கரைக்குத் தள்ளுகிறது அலைகள்

நகர மறுக்கிறது

நடுக்குளத்தில் நிலா.