சும்மா போகும்
திருடர்களின் கால்களை
சவால் விட்டு
அழைக்கின்றன
அறைகளில்
பாதுக்காக்கப் படுகின்ற
பொக்கிஷங்களைப் பற்றி
தண்டோரா அறிவிக்கின்றன
கட்டிடப் பொருட்களோடு
சரிவிகிதமாய்
அச்சமும் கலந்து
வீடு எழும்பியதையும்
பறந்தொய்ந்து சிறுபறவையும்
இளைப்பாற
இடம் தர விரும்பாத
குரூரர்களின்
இருப்பிடமென்பதையும்
உறுதி செய்கின்றன ..
.
கூரிய கத்திகளாய்
உடைந்த சீசாக்களைப்
பதித்து வைத்திருக்கும்
சுற்றுச் சுவர்கள்.
பெரும் மழைநாள்
தனிமையில் குளிக்கிறது
மலை அருவி.
அமைதியாய் இருந்தாலும்
மதம் பிடித்த யானை
நெற்றியில் நாமம்.
மரக்கிளையில் காத்திருக்கின்றன
சின்னஞ்சிறு குஞ்சுகள்
கூண்டுக்குள் தாய் .
இன்னும் தொடரும் வாழ்வு
ஆழப் பாய்ந்த கத்தி
அவள் பிரிவு….
உள்ளே வெளியே விளையாட்டு
சலிக்காமல் விளையாடுகிறது
என் வீட்டு நகைகள்…
பறக்கும் கிளிக் கூட்டம்
இடம் மாறும் கிளிகள்
திருத்தி வரைதலா
லஞ்சம் கொடுத்தேன்
கிடைத்தது பதவி
மனைவி
ஆடுகள் கூடி தேர்ந்தெடுக்கின்றன
நல்ல பலி பீடத்தை
தேர்தல் நாள்
கரைக்குத் தள்ளுகிறது அலைகள்
நகர மறுக்கிறது
நடுக்குளத்தில் நிலா.
மழையின் சுவடுகள் 
பொன்.சுதா சொல்வதெல்லாம்... 